شربت كاسك وأنت كبيت كاسي

غرقت في بحـر الغـرام وتقهويـت
شربت كاسك وانـت كبيـت كاسـي
دليـت دربـك يـوم عنـي تخليـت
تركتني فـي بحـر الاوهـام اقاسـي
مجروح قلبي مير ما عنـك صديـت
شربت مـن علقـم حياتـك مأاسـي
اغليك واللـي صابنـي يـوم ونيـت
شيٍ غريـبٍ صـار يلعـب براسـي
شـف علتـي يامـن بقلبـي تسليـت
سجنتهـا بيديـك داخـل حـواسـي
احويك فينـي وامنحـك مـا تمنيـت
ياشمعـة احساسـي وياكـل ناسـي
تخطي وانا ادمح غلطتك يومك اخطيت
عل وعسـى بعـد التسامـح تواسـي
روحي يداعبها الوله يومـك ابطيـت
يحرم علـى عينـي لذيـذ النعاسـي
نبضات قلبـي تتبعـك لـو تنحيـت
تهتـف لبنضاتـك باحلـى الاماسـي
حس ابشعوري مثل ما فيـك حسيـت
يمكـن تقـدر لهفـتـي وانتكـاسـي
في موطني بنيت لـك يالغـلا بيـت
ما ينهدم مبني علـى حـب اساسـي

» كـــيف تفهم ما في نفوس الآخرين وأنت صامت....
» ما أصعب أن تعشق شخصا وأنت تعلم أنك لن تكون له .......؟؟؟؟