جرب تكون سلبى

يعنى اية ((سلبى))؟؟

سؤال اكيد هتسالة لنفسك اما حد يقوللك

اية دة انت ((سلبى)) جدا....

((سلبى)) يعنى ......

مش ليك هدف .

مش ليك عاية

مش ليك تفكير

مش ليك تفكير

مش ليك راى

مش ليك دنيا .... مش ليك حياة


يعنى من الاخر ميت...!!

ميت ؟؟

طيب اية خلاك ((سلبى))

ممكن عشان قصة حب خلصت بس بنتيجة مش اللى انت كنت راسمها

ممكن لان حد من اصحابك غدر بيك وطلع مش ذى ما انت فاكر

ممكن الدنيا جات عليك شوية وسقتك حبة من كاسها المر وقالت ما طول عمرك بتشرب الحلو

ممكن لو حد غالى عليك ضاع منك

طيب بيحصل اية لما تكون ((سلبى))

بيكون مش ليك اى راى فى الدنيا يعنى من الاخر مش ليك لازمة

رايك دايما اللى انتوا شايفينة اعملوة
انتوا ادرى
براحتكوا

بتكون منعزل عن المجتمع والناس والعالم

عايش جوة ((قوقعة))

طيب والحل هتفضل كدة كتير

افتح بابك عالدنيا
اضحك.... افرح...فك التكشيرة

صدقنى مش هتعمللك حاجة

مش شرط ان حاجة متحققتش ذى ما انت عاوز تبقى دى نهاية الدنيا

السلبية دى هتدمر حياتك ..هتخنقك..هتموتك..

صدقنى الدنيا حلوة بس محتاجة حبة ذكاء منك على حبة ملاوعة معاها بس مهما كان انت هتغلبها لانك اكيد.. اكيد اذكى منها

((السلبـية)) دى مش هتريحك بالعكس دى هتموتك ببطء

والموت منها بيبقى اصعب من الموت بطلقة رصاص

وانت اختار موتك تبقى ازاى ؟؟


واول خطوة فى طريق (( الايجابية)) انك تقول ((لأ))

بس حاسب مش هتبقى لا على اى حاجة............