بحبك..
ومش هقول كلام كتير..
اللى اعرفه حبك كبير..
واللى اقدر اوصفه انك هنا..جوه صدرى..
اللى قلبى يعرفوا انك حبيبى وانت قدرى..
مااعرفش اقول ملامحه ايه..
هوه اللى يعنى بحس بيه..
ان أنت اهلى ودنيتى..
وانت مشاعرى ولوعتى..
منك هنايا وشكوتى..
كل اللى فيا واللى بيا اصلو منك..
وكل شىء بيزيد عليه بدايته عندك..
وبين ايديك كل الخيوط..
ياحب أغلى م الوجود..
هفضل كده لغايه مااموت..
بحبك
يمكن تكون مش أغلى حاجه..
بس انت عندى كل حاجه..
يمكن تكون مش احلى حد..
بس انت عندى كل حد..
يمكن فى شكلك مش جميل..
لكن ف عينى اجمل جميل..
وعشان أنا بالروح معاك..
مابشوفش م البشر سواك..
حتى دا كلو مش ف بالى..
اللى ف خيالى انك ملاك..
كل المعانى الحلوه منك..
عطفى وحنانى نبعو عندك..
وبين ايديك كل الخيوط..
ياحب اغلى م الوجود..
هفضل كده لغايه مااموت..
بحبك
ياجنه الدنيا اللى ليا..
يافرحه العمر اللى فيه..
يااحلى مابتشوف عينيه..
يااغلى كل الناس عليه ..
بحبك
شد بايديك كل الخيوط..
ياحب اغلى م الوجود.
وأفضل كده لغايه مااموت..
احبك
الخميس أبريل 29, 2010 11:43 am
