طريقة عمل الشيش طاووق الفراخ

المقادير
كيلو وراك فراخ مخلية ومقطعة لمكعبات كبيرة
ثوم مفروم
عصير أربع ليمونات
كوب عصير طماطم
ثمرة بصل مفرومة
ملح وفلفل وزعتر وكاري وبهارات
2 ثمرة طماطم مقطعة مكعبات
2 ثمرة بصل مقطعة مكعبات
2 ثمرة فلفل أخضر مقطعة مكعبات

الطريقة
1- اخلطي عصير الطماطم مع عصير الليمون والثوم والبصل والملح والفلفل وباقي البهارات كويس، وبعد كده ضيفي على الخلطة دي مكعبات الفراخ.

2- أدخلي الفراخ في الثلاجة، وسيبيها تتبّل لمدة 3 ساعات أو ممكن تعمليها من بالليل وتسيبيها لتاني يوم.

3- بعد كده ابدئي اغرزي كل مكعب من مكعبات الفراخ في الأسياخ وبعده مكعب بصل ومكعب فلفل ومكعب طماطم.

4- استمري على كده لغاية ما تخلّصي كمية الفراخ اللي عندك، وبعد كده رصي الأسياخ دي على صينية، وصبي عليها باقي خلطة البصل والطماطم المتبقية من التتبيلة، ودخليها الفرن وسيبيها لغاية ما تستوي تماماً أو ممكن تشويها على الفحم.

5- بعد ما الفراخ تستوي ابدئي رصّي الأسياخ على أطباق التقديم، وممكن تقدّمي معاها أرز أبيض أو بطاطس محمرة.. وبالهنا والشفا.

خلي بالك:
علشان تحصلي على أحلى طعم وإنتِ بتشويها على الفحم، ممكن بعد ما الفراخ تبدأ تستوي ولونها يتغيّر، ترفعيها من على النار وهي سخنة وتغطسي الأسياخ في تتبيلة البصل والطماطم وبعد كده ترجعيها تاني على الفحم وبكده هتحصلي على طعم تحفة

طريقة عمل الشيش طاووق الفراخ SHESH-TAOUK

الله عليك يا ساره
انتى جوعتينى والله
تسلم ايدك ع الوصفات الجامده دى
تقبلى مرورى

شكرا احمد على مرورك اتفضل معانا

» طريقة عمل كام كيكة كدة على الماشى
» طريقة عمل الكبسة السعودي بالصور من مطبخ الشيف شريف
» لمنع مص الأصابع تماما طريقة مجربة وناجحة 100%
» هيجواين قد يتم بيعه بنفس طريقة بيع روبين وشنايدر
» أسرع طريقة في العالم لحفظ القرآن الكريم للمشغولين جدا